بنت ولا ولد

انا مين من البشر
ودي احد يدلني
انا بنت ولا ولد

الصبح اشرق
وفي مرايتي اشوف شاب مهيبه طلته
مافي احد في غرفتي غيري انا
هذي انا في الصبح اقلب ولد
رجل رايح العمل
يصرف ويحاول يجمع لزمن
مسؤول عن امه واخواته البنات
صعبه حياته هالرجل

جيت من العمل
مريت على مرايتي وين الرجل
هذي انا
البنت اللي امبارح كانت هنا
قربت من مرايتي اشوف وين راح الولد
مافي شنب .. ولا اثر حلاقه على الخدود
اخيرا اقدر انام زي البنات
في هدؤ تام .... ما يشيلون هم الزمن
ولا من فين بكره بيصرفون
دائما بيكون فيه رجل مسؤول

هذا حالي كل يوم

تعبت من العمل ودي بإجازه من كوني رجل
ودي اسافر زي البنات ... مع البنات
ماودي يكون معنا ولد
يما انا بسافر مع صديقاتي البنات
لا يابنتي ما تروحين الا ومعاك ولد
بس يما انا الصبح كنت ولد
من حقي اسافر زي الولد
ما عندنا بنات تسافر من غير ولد
واقصري الهرج والنكد

يما انا من بكره ماراح اكون ولد
انا بنت وبعيش مثل البنات
ماراح عند الطلب اكون رجل
في النهاية

في هذا البلد

انا وحده من الحريم