اكتشفت اني اعرف اكرهه ... طبعا اكتشفت هذا الشعور مؤخرا ... عمري ما عرفت كيف اكره احد .. اصلا لو حد اساء لي ورجع اليوم الثاني صبح على او سلم .. انسى ان بيني وبينه شئ وارجع اكلمه عادي ... اكيد اللي يعرفني كويس راح يعرف ان الشخصيه اللي كرهتها تستاهل الكره فعلا
مزاجي ماله علاقه بقومتي من النوم ... في ناس بتقول انا قمت من النوم مزاجي متعكر.. عمرها ما حصلت معاي .. ممكن اقوم بصداع بس مزاجي رايق والحمد لله ... بس اكتشفت ان مزاجي له علاقه باول شخص اقابله في الشغل
انا زعلت ناس كثير مني عشان نصحتهم ... انا مع الاسف قاسيه في النصيحه ... ومش عارفه كيف اغير هذا الشئ فيني ... لاني لما احب حد اخاف عليه زي ما اخاف على نفسي .. عشان كذا انصحه بشده .. لاني مؤمنه بمقوله يا بخت من بكاني وبكى معاي ولا ضحكني وضحك الناس علي .. عموما بطلت انصح حد الحين
صراخ الاطفال يسبب لي عصبيه .. ويوترني يمكن عشان انا اصلا عندي فوبيا من الصوت العالي ... عموما لما طفل يقعد يصرخ في مول بصوت عالي ما اقدر استحمل احس اني متوتره جدا .. وبصراحه نفسي اروح اضربه عشان يسكت :\
انا ما اقدر اود حد يجافيني .. يعنى انا احب علاقتي بالناس تكون فيها اخذ وعطاء ... انا عمر الماده ما همتنى .. رجاء لا حد يروح باله بعيد ويفكر اني غنيه لا ... انا بس المشاعر تعني لي اكثر .. احس ان كل شئ مادي مسير لخدمتنا ليضيف لحياتنا .. بس المشاعر هي شئ معنوي جميل زي الزهور لازم تسقي عشان ما تجف وبعدين تموت .... المعنى اللي ابغى اقوله لكل اصدقائي .. رجاء لا تتوقعون مني ان اكون متواصله معاكم وانتم قاطعين ولا تسئلون
حدسي هو مفتاح نجاتي من المشاكل ...معظم المشاكل اللي اوجها مع الناس اني ما انتبه لحدسي ... هو شعور صغير يجيك اول ما تقابل حد .. طبعا لما اتجاهله الاقي نفسي في مشاكل .. عشان كذا انا اثق في حدسي .. واخاف جدا لما حد يحاول يشككني فيه ... والحمد لله لحد الحين عمره ما خاب معاي
اختي الحب الجميل وفيت بوعدي وجاوبت على التاج ... لكن اعذريني ما اقدر امرر التاج لحد معين .. بس الي حاب يجاوب عليه طبعا يتفضل
